ВАСЕНЦЕ НАЛКСИМАСЬ

Васенце явлениясь

Попонь горниця, стеназо понгавтозь чапан

Даря (пурны столь лангс чашкат). Пильге лангсто эль пран, кода сы кодамояк празник сюлонть лисемс чийнек. Ялган ульцясо морцить, раксить, а мон прок цепсэ киска... Эх! Пазоськак, нать а соды эйстэдень...

Омбоце явлениясь

Попадиясь (сови)

Попадиясь. Месть аштят? Пурныка, седе курок столенть ды азе тердик соломщикенть...

Даря. Сон, чей эщо славамсто эзь са.

Попадиясь. Сезэнь аволь тонь тевесь, бути кучтадызь — молемка. Чийть!

Даря. Кавксть уш якинь...

Попадиясь. Ощо ветексть молят. Аволь севоненят а каладат.

Даря. Самаваронтькак кандомс тей?

Попадиясь. Меринь: бойка пурнык столенть.

Даря. И столь пурнак, и соломка мельга чийть — а содан кона тевентень кундамас (туи)

Попадиясь. Бурнок эщо, мон попонтень евтыньдерян, кармат келенть сускозь кирдеманзо.

Даря (сови самавар марто). Тече ярцамошка тень арасель... ярцавлинь бу куть васня.

Попадиясь. Истякак куят. Стольэкшс уш ней а озавтомсат? Сайть кше сускомо ды молемстэ сэвсак.

Даря. Таго теке морот.

Попадиясь. Азе бойка, коли кучозят. Бачкась, мерть, тердинзеть.

Даря. Эх! (туи).

Попадиясь. Вандыке, тердевса тетянзо ды пеняцян тензэ. Кедь паргонзо стасы кшнань локшосо, даром совецкой властесь. Синтриви еще прок начко пряника. Андык тантейстэ... Косто саемс тантеенть? Безбожникт ней весе народось, торлаяк а саят пельдест. Знярдо мерян авиня пенгентень отказак, отказак попонть чиденть! Нузялды роботамонзо ды пары чаво церьковасонть прок пороз бука. Тапардаса перькан соломкань ды каца попонть, кадык пары урны кудосонть. Пищтян помила черензэ поц...

Колмоце явлениясь

Даря (сови)

Даря. Нейке сы.

Попадиясь. Дарюша! Азе эсинк кедьга чаравт ды ульцясояк аламос ащек, ней попонть самс а эряват.

Даря. Мейле таго мурнеме кармат?

Попадиясь. Азе! А мурнитан (сови горницяс).

Даря. Таго цяхамо карми соломка икеле, щокатнень ваднинзе, прок порксазь... Тьфу, тьфу!.. Паздо кортыть а эсист пазост колияк арасель. Молян клубов ды сермадстан комсомолс (туи).

Попадиясь (горницясто) Даря!.. Даря!.. (лиси) Даря... Тусь, нать... Кадык кудосо ярцы, се сускомось яла маштови... (Пауза). Соломка — ломанесь од еще ды мужикень родсто—племасто, кутьков маронзо тук. Грамоцкак соды. Козяйказо кулось эйкакшонзо козой гак евкстасынек.

Нилеце явлениясь

Соломка (сови ды озны)

Соломка. Здоровте!

Попадиясь. Здоров, Иван Василич!

Соломка. Кода эрятадо?

Попадиясь. Паз марто яла... Ютак, озак!

Соломка. (озы) Сизинь, прямгак сэреди, чоп якинь.

Попадиясь. Ламо славить?

Соломка. Ютасть се шкатне... Куть прят повик эрямодонть — вейке эйдем, сеяк тень а тряви.

Попадиясь. Берякацть эрямотне, берякацть

Соломка. Попось, нат арась кудосо?

Попадиясь. Арась... Кутортнэ эзга тусь якамо. Тува седе енсто максыть... Адя, чайнеде симдяно, тошна ськамнень.

Соломка. Даря косо? (озы столь экшс)

Попадиясь. Кучия эстест... Ха-ха-ха! Ськамненэк седе ен (кутмордасы) тошнаинь (паласы).

Соломка. (айги) Илямак токше!

Попадиясь. Мекс? Мон тонь маро куть толц, куть вец сован!.. Ха-ха-ха! Течи празник. Настойкам ули: симдяно стака эрямодонть... Попонть аволия нееяк... Седеем тарги ды тарги тонь енов (сови горницяв)

Соломка. Цяхак иля цяха сыре эльде — теветь а лиси. Тонь седеесь тарги а мон тулкади. Каца соломкас чинть ды туян производствав... Паньдя маньчемс, кавто кедем эщо эсть коське, овтокс карман велявтомо эрьва роботанть. Цела ие усксевинь те марто... Тьфу, тьфу кандозь кандовттанзат... Тьфу, тьфу!

Попадиясь. (лиси) Седееть, нать, човоряты?

Соломка. Човоряты.

Попадиясь (нурти) Симик цярканть седе курок... Попось а сы удомо. Кухнянть пекстаса крюкас ды ютавсынек апаронок (туи кухняв).

Соломка. (сими) Остаткадо тесан, нать, монень эсть кадово аватне (нурти вина).

Попадиясь. (сови) Мольць ды молць мелем поптонть. Кода тон сат ойме тень чаче. Евтык эно валот: сайсамак козяйкас эли арась?

Соломка. Ули, ведь, мирдеть, ков ней сайдян?

Попадиясь. Те сеясь?.. Хе-хе!.. Каца. Туйдяно ковгак (нурти омбоце рюмка) дай симсынек вейсэ любовтонь кис.

Соломка. Винадонть мон а отказан. (Симить).

Попадиясь. Ярцак мезде ойминек бажи! Ярцнек. (озы ваксозонзо) Палы толкс кирвастик седеем... (кутмордасы) кирвастик.

Соломка. Кадомак, васня ярцан (ярцы жаднойстэ).

Попадиясь. Симть эще (нурти стаканц вина) Симть!

Соломка. Винадонть симан (сими).

Попадиясь. Теск удок. Даря сы ашолгадома малав. Эх, кутморятан! Эх, палци!.. тянок!

О. Иван. (стуки) Панчт Даря! (стуки)

Соломка. (Сти) Сась!.. Ней кода? Панчт азеседе курок!

Попадиясь. Кекшть! Чавданзат ата сеясь...

Соломка. А кекшан!... Нолдык!

Попадиясь. Моньгак машсамам... Бойка кекшть! Ван тезэй!

Соломка. Ага. Больче иля кучне кисэнь... (кекши чапанонть поц). А сан, ды а сан.

О. Иван. (стуки) Здохнить, нать, кудонтей? Панчт!

Попадиясь. Щтобу ойметкак... иляк тарга (туи панжомо).

Соломка. Вана козой поньгинь! Остаткадо ды остаткадо тесан!

Попадиясь (вайгелезэ) Мон матедевкшнынь.

Ветеце явлениясь

Совить: Попось — тулупсо ды Ютыця — нулав-одижасо.

О. Иван. (Каясы тулупонзо ды понгавсы чапанонть ланкс) Даря, нать, арась кудосо? Таго инжеть ульнесь?

Попадиясь. Тонь учинь кше-сал марто.

О. Иван. Учить? (Ютыцянтий) Озак тей... Ютак!

Ютыця. Пасиба... Мон стядояк аштян.

О. Иван (озы) Истя и тейть... Совак удомо ды дай басямо. Юродивойкс прят тейть. Лазови, — мерть, — мастор авась ды туйдяно весе трин тарары...

Ютыця. Содаса, месть кортамс аволь первой велесэ народонть „лакавтан“... Затруды ярмаконть туик нейке.

О. Иван. Васня тевенть тейкь.

Ютыця. Васня пант!

О. Иван. Кенерят меелеяк.

Ютыця. А кемдян, батюшкакай! Улко Чигур велесэ попось манимем: Копийкаяк эзь макст...

Попадиясь. Мезень таго тев сыргавтыть?

О. Иван. Мейле евтаса (тарги зепстэнзэ коморо пижень ярмак), чоп некень славинь (каясынзе) Саить снярц...

Ютыця (сайсынзе) Ощо каяк. Пельбутулкаснак а сатыть неть.

О. Иван. Мейле явсынек „добычанть“.

Ютыця. Илямак маня ванок! Мон кежень пандомадо колан.

О. Иван (кресты) Вана пазось ютксонок-свидетелекс.

Ютыця. Мон те свидетелентень кеман истя жо кода тон... Сокор сон: а неи кода кулачизь весе улим-паром. Арась! А кеман. Бути сюкортнэнь эщо сайсынь (эци сюкортнэнь зепезэнзэ, потмозонзо).

Попадиясь. Аштекая, тон ков сынст? Истя... Ков?

Ютыця. Сэвемс (пуцы чапканзо) Проштевайте (туи).

О. Иван. (езы кедензэ) Бойка церась! Тейсы тевенть... Учок од платият.

Попадиясь. Веси сюкортнень саинзе. Мезень таго тев сыргавтыть?

О. Иван. Народось эряви бузмолгавтомс истяк вачо кулат. Чоп якинь, весе кутортнэнь ютынь... Кост гривна тонгить, косо ортаст запордасызь. Лоткасть озномадо. Те бузмолгавсыньзе.

Попадиясь. Вадо илядо понго, истя бузмолгавтадызь кавненк.

О. Иван. Сонзо сайсызь, а монь тесэ тевем арась.

Попадиясь. Мадемс эряви седе курок, адя тона комнатав.

О. Иван. Ярцамс пурнак (нурти вина) Вейке бабине, пасиба самогон кантлесь, секе вийсэ чоп якинь (сими) Ансяк атятнень ды бабатнень мельсэ лексянгак...

Попадиясь. Аламос оймсек кроват ланксо.

О. Иван. Васня ярцан. Мезе течи пидиде?

Попадиясь. Лапшат (туи).

О. Иван. Ен алясь. Ванды церкувась пешкеди народто. Причастямо кармить бабатне. Хе-хе-хе! Славамстояк кискасо а вызавсамизь.

Попадиясь. (совавты чугун, вакан, каи лапшат) Ярцат эно бойка, монь удомам сась.

О. Иван. (карми ярцамо) Мельц паром покш. Ванды, чачи иень нуима нуян. Хе-хе-хе!

Котоце явлениясь

Полька-баб сови

Полька-баба. (озны) Треба маро сынь, бачка!

О. Иван. Мезе теевсь?

Полька-баба. Вень кунчкава тряужан эйсэть. Нуцькам чачсь... недлязо эйденть... Апак лемдя. Улезэ милостет (сюкони).

О. Иван. Ванды... обеднядо мейле.

Полька-баба. А кандови. Тетясь а мери. Ней бу лемдямс косояк... Ней сон арась кудосо...

О. Иван. А лемдяса.

Полька-баба. Ойминезэ еми... Ней тетясь тусь ков бути... можот лемдясак?... (Тарги ярмак) Вана петишна теть... иляк емавт эйденть... (аварды) ой—мин... нез зэ-зэ!

О. Иван. (козы). Кхе-кхе! Петищна! Ну, эно паро. Ярмаконть лемдямга сайса, а эйденть кудосо тонць лемдик. Каяк ведь посудас, кумонть кецтэ веруюнть ловновтык. Колмоксть навик эйденть ведентень, ды ютадо купеленть кругом ды лемдяви... Свечат кирвастеде...

Полька-баба. Лезэзэ карми улеме истя лемдямонть?

О. Иван. Мон баславатандеряй ули, што мон, што тон — теке экшеляви эйдесь.

Полька-баба. (сюкони) Пасиба превспутомазот.

О. Иван. Крест каядо киргазонзо. Кумт-кумат тердеде... Истя теинк! Паз марто... Азе.

Полька-баба. (сюкони) Пасиба!

О. Иван. А мезень кисэ, кодаяк эрявдадо шайтянонь кедь алод ваномс... Курок еми пингесь.

Полька-баба. Оспода помилой.

Попадиясь. Азе — ней. Попось сизесь.

Полька-баба. Простимазь (туи)

О. Иван. Азе лемдик — монень петишнась маштови.

Соломка. (новоли масторов) Рождество твое, Христе боже наш (озы) Я, косан? Лепиякшнынь?

О. Иван. (сти) Тон таго тесат! Вон, скверной! Ванды церькувавгак а нолдатан.

Соломка. А пек пищан церькувазонт!... Мон овсикс туян. Парак уш моньгискак...

О. Иван. Мейсь таго сакшныть? А?

Соломка. Кевкестик козикат мейсь тертнимим? Евтак ванды народонтей, кодамо сон распутной...

О. Иван. (кундасы прякетте). Вана теть!

Попадиясь. Машсы!

Соломка. Нолдык! Нолдык! Пря удеметькак пидеса (сайсы лапша чугононть ды смеки комавтоманзо попонть пряс).

О. Иван. (Кундасы тожо прякедьте). Тон истя?... Сука! (Возить колмонест).

О. Иван. Борзой!... Борзой!... Борзой!

Соломка. Раздясынь сакалот!... Нолдамак парцо!..

Сисимце явлениясь

Даря (сови)

Даря. Колмонест понавсть вейс. Ней ведьтеме а явовить (туи).

О. Иван. Сука!... Сука!... Сука!... (возить).

Попадиясь. Борзой!... Борзой!... Борзой!...

Соломка. Раздясынь сакалот.

Даря. (Сови ведра маро). Истя плош турить (валы ведь) лиякс а явовить. (Колмонест явить).

Соломка. Туредэ ней!... (туи).

О. Иван. Сука!... Сука!... (вешкини), Фють!... фють! У у у! Сосуд дьявольский...

Попадиясь. У у у. Атя сея!... (понавить тури-ме).

ЗАНАВЕС.