Кизэнь ве, Налксемась 4-це; автор: Петрова К. С.; 1932. Мордовская библиотека
Книга: Петровой Кизэнь ве. — Саранск, 1932. — с. 23—28

<< Налксемась 3-це << +

НАЛКСЕМАСЬ 4 це

Каштановонь кудось. Каштанов озадо столь экшсэ. Салдат ды взводной кенькшенть ланксо, кецест ружият.

ЯВЛЕНИЯСЬ 1-це.

Каштанов. Вешниньк! Ведь варясто таргиньк, но улезэ тесэ!

Взводной. Косояк арась... Веленть прянзо ланкс стявтынек.

Каштанов. Нолгов тейтерь теньк а муеви, мень ваяктадо. Вон сельмен икельде!..

Взводной. Кунсолон!., (Моле кенкшентей).

Каштанов. Тетянзо ветик тей!..

Взводной. Кунцалан! (Туи).

Каштанов. Самай эрявикс ломанесь истожавсь ды истямо шкане...

ЯВЛЕНИЯНТЬ 2-це

Сови Попось.

Попось. Горясь, горясь знярочка теевсь.

Каштанов. Иля кортаяк!..

Попось. Знярдо ней калмасынек?

Каштанов. Вандый.

Попось. Светой великомученик ули, истя и мерян народонтей калмамстонзо. Пазонь тевень кисэ прянзо путызе. Козой ней калмасынек?

Каштанов. А содан.

Попось. Церькува оград поц калмамка. Заслуженой ломанесь. Инязоронь, ды пазонь тевень кисэ аштиця.

Каштанов. Сондедэнзэ паро пристав губерьнясонть арасель.

ЯВЛЕНИЯНТЬ 3-це

Взводной, салдат ды Петра атя совить.

Взводной. Ветинек!

Каштанов. Косо церат?

Петра. А содан.

Каштанов. (Лощасы нагайкасо). Евтат? Скотина!..

Петра. Сон аволь вишкине... Мон мельганзо а якан.

Каштанов. Кие печкизе Приказовонь?

Петра. Знярдо?

Каштанов. Косо тейтерет?

Петра. Мон мездеяк а содан.

Каштанов. Мон кармавттан содамо (лощасы) курок евтат?..

Попось. Ломанде сепсак, паздо а сепови... Трить эйкакшт.

Каштанов. (Таго вачкоцы). Панжови кургот эли арась?

Петра. Мезень кисэ чават эйсэн?.. Мон ломань кудос эзинь совсе, тейтерь эзинь нарьга.

Каштанов. Лединьк!

Взводной. Кунцолан!..

Петра. Тон правдыйкс кортат эли пеедят? Монень а ютко театрасо налксемс.

Каштанов. Саиньк!

Взводной. Кунцолан! (Кундыть Петра атянень).

Петра. Батюшка, куть тон вал каяк кисэн... Мезень кисэ.

Попось. Мезе теить, секень неят.

Петра. Мезеяк эзинь тее, мездеяк а содан.

Каштанов. Меринь, саиньк!

Взводной. (Уски). Листь, листь!

Петра. Трисподне эно туеде! (Сайсызь).

Каштанов. Вейке ули!

Попось. Лац тон сонзо... Истя самай эряви.

Каштанов. Сяда ледян эйстэдэст... Сядо!.. Сядо!..

Попось. Пулост мейле пштицызь.

Каштанов. Кие эщо тесэ якстеретнеде?

Попось. Огрань Кузьма, Нумол Вася, Ваз Илька, Уронь Матря, Лушань Тая.

Каштанов. Тейтертькак улить?

Попось. Улить... Истямо кеме шайкась, паро ломанень ютамо ки а кадыльть.

Каштанов. Эщо кить.

Попось. Ламо эйстэдест...

Выстрел.

Попось. Ледизь, нать?

Каштанов. Ванома штоли кармить.

Попось. Пизэнек истожамкат — пизэнек молян списка теян ды канца... Тон киненьгак иля евта монь ланкс.

ЯВЛЕНИЯСЬ 4-це.

Сови Взводной.

Взводной. Ледизь.

Попось. (Кресты). Царствий божи тензэ, куть берянель ломанесь, но оймезе православный ульнесь.

Каштанов. Азе ветить тей Огрань Кузьмань, Ваз Илькань, Нумол Васянь, Лушан Таянь, Уро Матрянь. Сайть марот ломань кундыньк штобу.

Взводной. Кунцолан! (Туи).

Попось. Молодецат, Сергей Александрыч, молодецат! Мон эно туса списканть теть.

Каштанов. Туик, амон росходувасынь тона чив.

Попось. Илизь кепсе судост виде чинть карчо. (Туи)

Каштанов. Нать, сынст правдась ули правдакс, (Яки кудованть). Остаткадо тесан.,. Зняро валдо чит мон ютафтынь не кудотнень эйсэ... Мезе неи кадовсть икелень эрямодонть. Анцяк лецнема пельть. Паро чинть весе кантлизь, модатнень явшизь... Ух! кежем ютавтнисынь лангозост. Кевде калгодокс теимка седеесь: эли сынь, эли минь — лия пе арась! Зоя вечкимим. Эйдезэ чачи монь пельде, но сон сынст эйстэ... Весе леднесынь!..

ЯВЛЕНИЕ 5-це

Совить Взводный, Тая, Матря, солдат.

Взводный. Анцяк нень муинь, цера ломань вейкеяк эзь кадово велентей,.. Прок ведь варяс тусть весе.

Каштанов. Пекстасьтнень юткс эсть понго?

Взводный. Арасть!

Тая. Здоров, Сергей Александрыч!.. Поздоровт теть Зоя кучсь...

Каштанов. Косо сон?.. Косо?

Тая. Кудосо ульнесь... Пачк тонь лецнесь ды аварьць.

Матря. Мейсь истя мик салдат маро туимизь?

Тая. Минь истяккак савлинек охотна ней якамось...

Каштанов. Зоя косо?.. Нейке ледивса.

Тая. Мон а содан.

Каштанов. Вейсэ тевенть сряпиньк!

Тая. Кодамо тев?

Каштанов. Кие Приказовонь печкизе?

Тая. Осподи!.. Мон а содан. Мон мушко ваявтомо якинь ды анцяк сынь.

Выстрел.

Каштанов. Азе варчтак... Кие ледни.

Взводной. Кунцолань. (Туи)

Каштанов. Мон кармавтан содамо!

(Сови Взводной).

Взводной. Якстеретне кружить эйсэнэк. Листя бойка!

Каштанов. Алашам анокстынк.

Взводной. Кунцолан, (Туи).

Тая. Правдый, мездеяк а содан.

Каштанов. Ну эно содык (Лецы Таянь ды Матрянь, туи чиезь. Марявить леднемадо ламо раз).

Салдатось. Подлец! Мезень кисэ лединьзе?.. Месть ней тейнян?.. Куть месть тейнест кадован якстеретненнень...

ЯВЛЕНИЯСЬ 6-це

Сови Попось котмерцензэ похдной мешок.

Попось. Косо Каштанов? Косо? Яксеретне, якстеретне! Эрьва ендо эцить...

Солдатось. Сон тусь...

Попось. А мон кода жо ней? Мон ней ков...

Солдатось. Кут ков.

Попось. Ды тон ашоят?

Солдатось. Ульнинь ашо, ней якстрьгадынь.

Попось (Кулытненень). Нетнень кие лединзэ?

Салдатось. Кинень мешасть, се и лединзэ.

Попось (Ары колинка ланкс.) Со святыми упокой души рабов твоих Таисию и Матрену.

Солдатось. Ознок, ознок ней кисэст,..

ЯВЛЕНИЯСЬ 7-це

Совить Злыдня, Гриша, Тиша, Илька, Вася.

Злыдня. Вейки ули!.. Сюлмсиньк!

(Попонь сюлмсисызь).

Солдатось. Мон мобилизавазь ульнинть... Куть месть тейнеде ней марон... Вана ружиям... (Макссы ружиянть).

Злыдня. Косо Каштанов?

Солдатось. Ношктась ласте.

Илька. Тесэ Тая!.. Кулозь!..

Вася. Ды Матряяк...

Попось. Сынст оймест тосот, косо арасть а печаль, а воздыхания.

Злыдня. Тон тесэ месть тейнить, равужо крянч?

Попось. Сакшнынь причастиямость.

Злыдня. Кулотнень?

Попось. Да, кулотнень.

Илька. Тая, Тая!

Вася. Матря! Матря!

Злыдня. (Салдатонтей). Званият кодамо?

Солдатось. Сокиця.

Злыдня. Советэнь власть эряви теть?

Солдатось. Аволь эрявояк, аволинь кадово.

Злыдня. Молят туреме алашотнень каршо?

Солдатось. Седейшкава молян.

Злыдня. Саик ружият ды адя.

Солдатось. Пасиба!.. (Невти попонть ланкс). А пачк ульнесь Каштанов маро. Оргодиксэль ды эзь кенере. Тейтертнень сон ледивтынзе.

ЯВЛЕНИЯСЬ 8-це

Сови Костя.

Попось. Маньчи, маньчи сонць лединзе икеле.

Костя. Тетянь ледизь. Куло уш...

Злыдня. (Гришанень) Обыщиньк!..

Попось. Илимизь токше! Мон чей аволь лия кие: духовной тетянк.

Гриша. (Обыщи). Зепсэнзэ конев...

Злыдня. Туик тей!

Гриша. На! (Макссы).

Злыдня. (Ловны), Кыжнай Иван, Тютя Вася, Лынд Миша. Нарочит явизь. Коммунт, Ваз Илька, Нумоло Вася. Огрань, Кузьма, Тая, Матря... Те мезе истя? А?.. Предатель!

Попось. Мон арась... Мон... Мон... Кие бути евкстызе. Евкстызе,..

Злыдня. Весе чарькодеви... Лединьк!

Гриша. Адя!.. Царьсьствия божи кучтадызь,

Попось. Мезень кисэ, мезень?.. Мон а молян, а молян.

Гриша. Райс вицте молят.

Попось. А эряви, а эряви!.. (Сайсызь).

Злыдня. Каштанов а оргодеви: велесь кружазь эрьва ендо. Солдатонзо пелест минек енов тусть. Икелей, ялгат! (Туи).

Костя. Икелей!.. Ней а ютко кулонь кисэ авардимс! (Туи).

Занавес.


<< Налксемась 3-це << +
Кизэнь ве, налксемась 4-це; автор: Петрова К. С.; 1932.

Последнее обновление страницы: 2017.01.29
На главную