Кизэнь ве, Налксемась 2-це; автор: Петрова К. С.; 1932. Мордовская библиотека
Книга: Петровой Кизэнь ве. — Саранск, 1932. — с. 10—16

<< Налксемась 1-це << >> Налксемась 3-це >>

Налксемась 2-це

Велень кудо. Урядной. Костя озадо кровать ланксо. Керч кедезэ сюльмазь киргасонзо.

Петра атя ды Зоя симить чайде.

ЯВЛЕНИЯСЬ 1-це.

Петра. Тон яла отмурсто аштят Зоя, берякадыть мик. Нать, моцет арась?

Зоя. Седеем мекс бути ризны.

Петра. Мейсь ризны?.. Костя ней пичкси... Лия рискскак прок арась...

Зоя. А содан мейсь...

Костя. Кемсисьмее иесэ тейтерень ней арась, рисксэзэ... Бабакс эль велявты, а кукланзо жальть кадомс...

Зоя. Тон яла пеедят монь ланксо.

Костя. Курок авардеме молян теть колмоцекс. Вейсэ ранктано.

Петра. Причинавтомо тейтерьть а рангонекшныть.

Зоя. Нать, моцем, арась... Ярцамо а моли тень... Седеем човоряты пачк.

Петра. Чама лицяткак ожолгаць аволь икеле лацо свежа.

Зоя. Кумуха тапи шкань-шкань.

Костя. Кумуха-ли? Аволь цековонь моросто причавить?.. А?.. Ванок сазор!

Зоя. Яла травси!..

Петра. Тон видеяк иляк машнетевт эйкакшонть... Мезень тесэ шуткат?..

ЯВЛЕНИЯСЬ 2-це.

Сови Тая.

Тая. Тосо тетям учи эйсэт кузница боксо.

Петра. Мейсь?

Тая. Чаро чинанок сезевсь.

Петра. Сечас молян. (Камовсы чапканзо)

Тая. Таго велентей Каштанов сась... Отряд маро... Ружият кедьгаст,.. Оргодицятнень кунцесызь ды эщо оц саить салдат.

Петра. Торла саить. Сайсызьгак, зяро жо лезэсь тест ули.

Тая. Мекс?

Петра. Нать моли ней сокиця Советэнь каршо... Эрявольть бу кудозо пултамс, аволь сакшнок тей.

Тая. Мольть эно, Петра дедай!

Петра. Молян, молян!...

Тая. Бойкине! (Туи).

Костя. Бути отряд сась, монень седе курок туимка тестэ. Ата неть ловажан ловносызь. Саты сестэ капканозост понгонинь.

Петра. Кильдянь бути?

Костя. Бойка кильть! (Карми карцеме).

Петра. Сейчас. (Туи).

Зоя. Леляй, кие сестэ лединзеть?

Костя. Кие эзимим, монень благородиятнень маро васодемс а кедьенкс.

Зоя. Неужили Каштанов?.. А?!

Костя. Сядоцеде кевкссамак. Меринь, што ялгазо.

Зоя. Монень цудивсь лията.

Костя. А тон вана витькстак, кода сестэ понгить тозой! Косо ульнеть?...

Зоя. Колияк мейле евтаса.

Костя. Эх, тейтерь! Мон васов неян, ансяк кашт молян. Аволь эсить киява молят берянь теть ай арци... Панжик седей потомт... Зняроксть мон неитинь авардемада...

Зоя. Иля кевкстне, леляй!...

ЯВЛЕНИЯСЬ 3-це.

Сови Петра атя.

Петра. Чапатнень анокстынь кудыкелей, сетнень орчить, седе а фатитьэйзет.

Костя. Кие моли ускоман?...

Петра. Монсь молян... Можот кувать а саван. Таянь тердик удомо. (Туить Костя маро).

Зоя. Причинавтомо ай аварькшныть. Причинась ули, ды эщо кодамо... Тетям ловсамим икеле лацоэйкакшокс... Эх!.. Хочу евтамам тензэ а евтави... Сась ней... Можот козяйкакс сайсамам... Эряви васодемс маронзо... Евтаса весе апаром.

ЯВЛЕНИЯСЬ 4-це.

Сови Тая.

Тая. Курок моли Петра лелям!

Зоя. Сон тусь ков бутим.

Тая. А учови, нать.

Зоя. Лелянь ускомо тусь.

Тая. Ков.

Зоя. Больницяв, нать... Кедезэ таго кармась сэредеме...

Тая. А чарось кода эно?

Зоя. Мейле тейсы... бути кувать а сави удамо са мортон тедеведе.

Тая. Сан, ульцява, якатано аламос.., Охотна ней якамось, Бояронть вальмалов мольдян.

Зоя. Сак... Мольдяно.

Тая. Вася марояк простян, поди таго вирев шлясы... Тон мезеяк эзить маря?..

Зоя. Арась.

Тая. Бояртнэнь, келя, удалксост турбат.

Зоя. Кода истя турбат?

Тая. Оргодить Цибирев. Каштановгак оргоди.

Зоя. Се сонзо тевесь.

Тая. А жаль нать?

Зоя. Мезензэ жалян?..

Тая. Адя уш аштек... Неидизь сестэ палцимадо.

Зоя. Знярдо?

Тая. Кода лоткасо уйниде...

Зоя. Иляк лецне сень... Иляк... (Аварди)

Тая. Эрявсь теть молемс маронзо... Тейтерень пря-потомсь ундодояк ундов!

Зоя. Иля корта иля!..

Тая. Венчамо ней тердик курокке.

Зоя. Кортан маронзо.

Тая. Месть лангозонзо ваномс, илязо маньче.

Зоя. Можок а манясамам.

Тая. Маниньзет уш. Што бояр, што киска — вейкетть... Ну, эно прощай. (Туи).

Зоя. Соды, весе тевтнемо соды... Теке а кекшеви...

ЯВЛЕНИЯСЬ 5-це.

Совить: Каштанов, Приказов, взводноесь, салдатт.

Зоя. Тон?., Сыть.

Каштанов. Косо лелят?

Зоя. Сон тусь... Ошов тусь..,

Каштанов. А маньчат?

Зоя. Юзадо!..

Приказов. (Озы). Вицтэ басяк!,.

Каштанов. Сон ранязь ульнесь!

Зоя. Мон а содан.

Приказов. Кода истя а содат?

Зоя. Ульнесь ранязь... Сергей, мейсь пек кежеят? Мон истя пелян.

Приказов. (Ружия мартотненень). Ваныньк кардазонть...

Взводноесь. Кунцолан. (Лисить).

Каштанов. А тетят косо.

Зоя. Тусь лелянь ускомо.

Приказов. Знярдо тусть?

Зоя. Течи,.. Да, быш, исяк...

Приказов. Течи тусть. Но кона шкане?...

Зоя. Чопудава эщо.

Приказов. Истя!.. (Щупи самоваронть). Самоварось пси эщо... Кие симсь?..,

Зоя. Мон симинь.

Приказов. Чашкатнеде колмо... Колмоненк симиде.

Каштанов. Кие ранизе Костянь?

Зоя. Бандит кодамо бути.

Приказов. Бандит?... Тон, од тейтерь басяк ды содык, месть басят... Бандит!

Зоя. Истя сон мерсь.

Сови взводный.

Взводный. Тосо кияк арась!

Приказов. Эряви еннестэ вешнемс. Адядо, монцькак молян! (Туить).

Зоя. Кодамо кежей ялгат...

Каштанов. Истямо шачсь... а тон яла каснят ды мазылгадат... Мольть чокшне садов.

Зоя. Тошнаить?.. Мекс а озат?

Каштанов. (Озы). Яла мазылгадат.

Зоя. Эх, и тощнаинь!.. Стака ульнесь тень. Сестэ Костя ранявсь, тон туить... Знярдо ней венчатано?

Каштанов. Сыгоднэ эли эщо колияк.

Зоя. Монень а учоват сы гоц.

Каштанов. Эли лия мелезэт тусь?

Зоя. Арась. Иля корта истя...

Каштанов. Монь илямак учо... Азе, коли уш тонь лия ули.

Зоя. Мон лиянень а молеван.

Каштанов. Мекс а молеват?

Зоя. Коли тон сестэ... Кода ней моляв? Помнясак чей? Силой нарьгимик...

Каштанов. Се мезеяк арась.

Зоя. Ули... Покш тев ули... Монь эйкакшом карми улеме...

Каштанов. Мейле мезе. Ваноманзо кармат...

Зоя. А тон мерят лиянень молеме.

Каштанов. Иля моле — се тевесь тонь.

Зоя. Кода жо ули?.. Коданя?..

Каштанов. Кода ульнесь — истя и кадови...

Зоя. Месть тон кортат? (Аварди). Вейке чим эзь юта сельведтеме. Учинь эйсэт... А тон... пеедят...

Каштанов. Мон а вечкан авардицят! (Сти)

Зоя. Илямак муця!.. (Пры куможа ланкс). Жалямак!..

Каштанов. (Тарги ярмак). Бути ярмак теть эрявить, на вана вете целковойть ды минь квитавдано. (Пуцы ярмаконть стол ланкс).

Зоя. (Сти). Ила пееде ланксон... Мон эсь пряма-микшнеса! (Ерцы ярмаконть). Иля пееде!.. (Аварди).

ЯВЛЕНИЯСЬ 6-це.

(Сови Петра атя).

Петра. Тон мейсь авардят?

Зоя. Сон... Сон... нарьгимим... ней ярмак максы. (Аварди).

Петра. Кода истяня? Те... те мезе истя моли! А!

Каштанов. Мезеяк арась...

Петра. (Эци эйзенсэ). Тейтерень нарьгамонть кизэва на мезе эри. (Кундасы сиведе). Истятнень острогов пекснесызь ды эщо кой месть тейнить.

Каштанов. (Нельксы прянзо), Кадымак! Сонсь эци эйзен...

ЯВЛЕНИЯСЬ 7-це.

Совить Приказов ды салдатне.

Приказов. Эге!.. Сась?.. Тон самой эряват. Косо церат?

Петра. Тосо, косо ули.

Приказов. Таго шпиони ды агитируви?.. А?..

Петра. Истя тейнеме а мерить, тыньк ланксояк ули власть...

Приказов. Тон арестованноят...

Петра. Намо, рестувамка... Од паро прясонзо емавтызе тейтерем...

Приказов. Церат маро вейсэ робутыде?

Петра. Пачк вейсэ... Знярц ансяк войнась ульнесь — ськамон робутынь...

Приказов. Ага!.. Витькстась... Война шкантькак. Робутыть?

Петра. Кода эно? робутынь.

Приказов. Саиньк!

Взводной. Кунцолан! (Петратянень). Адякая листь!

Петра. Ков мон лисян?.. Мейсь?..

Взводной. Тон арестованноят. (Ускить эйсензэ).

Зоя. Кадыньк! Кадыньк тетянь! Кадыньк! (Чие кенкшентень).

Приказов. (Кундысы). Аштек аламос!

Петра. Власть ули! Сон розбойничась — монь ресту вимизь. (Ливсызь кудостонть). Власть ули!..

Зоя. Тетянь, тетянь нолдыньк... Ах! (Пры ежовтомо).

Каштанов. Мон туян!..

Приказов. (Невти Зоя ланкс) Сонзояк сайсинек?

Каштанов. Кода мелет.

Приказов. Ней монь частесь.

Каштанов. Тонь.

Приказов. Васня эно монь, мейле взводноенть, мейле кинень эряви. Пекстасынек подвалс, а мейле пуля тензэ.

Каштанов. Кода мелет. (Туи).

Приказов. Кодамо мазый! (Кепецы кроватс).

Зоя. Ух!.. Косан?

Приказов. Сесат косо эряви!.. Хе хе!

Зоя. Тетям, тетям косо?.. Сергей косо?

Приказов. (Озы кроватонтень). Мон сонзо таркасо ней... Кутмурямак, од тейтерь мазы чи, кутмурямак еннестэ Хе хе хе!..

ЯВЛЕНИЯСЬ 8-це.

Сови Анка-баба.

Бабась. Кши сускомо максодо...

Приказов. Вон тестэ... Вон!

Зоя. Бабай! Иля туе!.. Иля туе!..

Бабась. Осподи!., Осподи!..

Приказов. Вон! (Кундасы сиведе). Вон, пакость! (Тулкадезь ливсы ушов)

Бабась. Осподи, козой понгинь... Нолдамак, нолдамак!..

Зоя. (Сти саи пеель). Снартозо ансяк. (Кекшсы пееленть карксонзо алов). Токамам ансяк.

Приказов. (Сови кенкшенть пекстасы крюкас). Ну кияк а сы. Бабанть пекстыя карц... Кутмурямак эно бойкине, месть синтреват... (Кутмордасы ды уски кроватентень). Ну, ней!..

Зоя. Ноламнк!.. (Вачкоцы щока ланга). Вана теть.

Приказов. А!.. Тон истяня! (Багрясы, Возить).

Зоя. (Удалдо сялги буто пееленть). Эщо. Пешкедить. (Приказов новоли ды пры). Пешкедить? (Туи чиезь.)

ЗАНАВЕС.

<< Налксемась 1-це << >> Налксемась 3-це >>
Кизэнь ве, налксемась 2-це; автор: Петрова К. С.; 1932.

Последнее обновление страницы: 2017.01.27
На главную