ВЕСЕНИН
	Шавф Алёшанясь

Кели паксяса Касы рощанясь, Рощать потмоса Шавф Алёшанясь. Шавф сон, куломс — прокс, Вельхтяф лопаса, Кепкац ёрдаф бокс, Вер-ляй потмоса. Козят изь кельгя Ляксейсь ашуволь, Сходста лихтезе Кулакть Яшувонь... Яшу кяжиясь пяк Ломаттне рахасть, Пеень сускозь сон, Велева якась. Нармонень мороса. Гайнясь поранясь. Куваня ётась, Ляксей цёранясь. Яшу васьфтезя Пряти ляцезе, Тараттнень потмос Марнек яцезе. Кувать изезь му Ляксей цёранять, Мес кальса люпштазь Ашу ломаннять. Тоса аля мольсь Паксяв сокама, Сияк рощав тусь Пеньгянь кочкама. Ваны таратта Оцю мар вачкаф. Тараттнень алда Няи ломань шавф. Алясь ризназевсь, Шамац лофташкац Скорей ласькозь тусь — Тозк Алёшать кац. Алясь азозя, Ляксейть алянцты, Кода пулька шавсь Алянц седиец... Алёшать аляц, Рощать шири тусь, Рощать потмоста. Сон цёранянц мусь. Прянц шукадезя Аляц аварьгац, — Удок цёраняй, Шиста тевце ляц. Шавить содасаськ Кулак Яшунясь, Вдь аф шавовихть Сембе ашуфне. Омбоце шовдава, Комсомолонь вийсь, Кулак Яшунди, Вешеньдема тийсь. Верса брызгафтольхть Пильксонза карьнза Модас прдафтольхть Веры панарнза... Повоть тон кулак, Повоть кяжи нерь, Саты потнекшнеть. Минне ашувонь верть. Классокс келеста Панезь Яшувонь, Пуропцть синь колхоз — колхоз ашувонь. Мархтост кемоста Содозь середнякть. Эрь шине марса, Машфцть классонь врагть. Хоть шавозь Ляксейть. Телац сонь юмась, Но трудящайхнень мяльс Тевоц шиса ляц.