Сась тундась, автор: Чудайкин И. С. // сборник Васень аськолкс; 1931. Мордовская библиотека
Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 93

<< Розень пакся << >> Паксяса >>
САСЬ ТУНДАСЬ

Ётась кельмя, кяжи тялось,
Рахазь, моразь сась тундась,
Маземсь акша—келусь
Пижемсь ляй ваксса лугась.
Шинясь псиста верьдя ваны,
Шитня эряфти сувайхть,
Марявсь паксяста колхозу,
Кода тракторхня увнасть
Молихть ряцек паксять келес,
Страфцазь сиря межать синь,
Васясь кортай: „Машфцаськ тишеть,
Машфцаськ колма паксять минь“.
Тихтяма лама пакся тяни,
Видема паксять келепцаськ,
Почецаськ соннь фосфорица,
Ару видьмоса вицаськ.
Кода лятфнеса мон тяни:
Тя вов модась ульсь кулакть.
Работасть лангсонза ашуфт
Пяля питнеда и стак...
Катк ваныхть тяни кулакня,
Эчкя попсь, сектань,
Миннь молебоньфтомга шачи
Сёра сяка модать ланкс.
1931 к.
<< Розень пакся << >> Паксяса >>
«Сась тундась», автор: Чудайкин И. С. // сборник Васень аськолкс. Мокшонь писательхнень сёрматфсна. — 1932.

Последнее обновление страницы: 2017.09.20
На главную