| Тялонь кига, автор: Макулов Л. Ф. // сборник Васень аськолкс; 1931. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 90—91 | |
| << Колхозса << | >> Розень пакся (И. Чудайкин) >> |
ТЯЛОНЬ КИГА
Люпштавсь модась Ловнять алу, лиякс арась Кепоць панда Велеть фталу, Вирьскя Полафтозя щамонц. Тялонь кись Пяшкоць обозда, Ловнясь морай Нуртнень ала... Ускихть ошу Кшя колхозста, Кайгозь корхтайхть Ускфнень фтала: — Лама киза, Лама тяла Ингольтанок Шудезь ётасть... — Кия няенць Кши тнара, Кия воля шиса Покась?.. Волясь торась Ульсь сянь кяца — Киннь крхкаль И эчколь зепоц, Кия потясь Ашунь верда, Эшя васца Касфнесь пеконц. | |
| * * * Сят ульсть — „Шкайхня“ и „святойхня“. Кемя кяца Кирьдезь влассть, Строясть ашуть Копонц мархта Церькафт, а Валда шити тиенцть ласт. Тяни няйсаськ Минь, трудяйхня, Кия муворсь, Коса парсь. Керьсаськ пацяснон Кулакнень, Пуропцаськ Трудяйнь вийть марс. Марстонь вийса — Коллективаса Сязьсаськ коряненц кулакть, Шарфцайнек церькафнень читальнякс, Путтам прязост Мази флакт! |
| 1931 к. |
| << Колхозса << | >> Розень пакся (И. Чудайкин) >> |
| «Тялонь кига», автор: Макулов Л. Ф. // сборник Васень аськолкс. Мокшонь писательхнень сёрматфсна. — 1932. | |