| Сокась пеняцяй, автор: Макулов Л. Ф. // сборник Васень аськолкс; 1929. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 88—89 | |
| << Инзарть виец (И. Васькин) << | >> Колхозса >> |
ЛЕОНИД МАКУЛОВ |
СОКАСЬ ПЕНЯЦЯЙ
Сась пе сокати, Сокась аварьди Фтала латала Кархча марть ала: Кува аварьди, Кувак кольгонди, Эсь азорнянцты Сияк пеняцяй. Тон мес ёрдамяйть; Ёфси кадомяйть, — Уштомс пенгянди Ёфси керемяйть? Али моннь ашель Тондеть парозя, Али эздон мольсь Пара мяльняця? Соксень модацень Пара мяльняса, Эзон кярьмоткшнеть Пуворьф кядняса. — Кульхцонт соканяй, Ленгянь подвайняй, Мес мон ёрдайхтень Ёфси кадыхтень; Оцта тазатольхть Моннь кядь — вийняня — Таргайть лафтунень, Сявийть виезень. Пялес вачеда Кирьнийть семьязень, Курмоськаса мон Витьцень сёроня, Мельган кочксекшнесть Паксень нармотня. Тята пеняця, Ётась времаця, Шовда польцяняй Тяни соксетям Минь од каряца. |
| 1929 к. |
| << Инзарть виец (И. Васькин) << | >> Колхозса >> |
| «Сокась пеняцяй», автор: Макулов Л. Ф. // сборник Васень аськолкс. Мокшонь писательхнень сёрматфсна. — 1932. | |