| Микита—тракторист, автор: Бябин М. А. // сборник Васень аськолкс; 1930. | Мордовская библиотека |
| Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 69—70 | |
| << Озем паксяти (Я. Пинясов) << | >> Сак тунда >> |
МАКСИМ БЯБИН |
МИКИТА—ТРАКТОРИСТ
Тол—маркс кепоць Шинясь вирть фталда Увназь тракторсь лиссь Лапаскять алда, Вишкя дуборфса Кармась сокама Межатнень мархта Кяжи кодама. Трназьня—трнай Модась алонза, Люказня—люкай Вирьнясь фталонза; Тундань ведькс жольняйхть Вирьнять лопанза, Микитанди сайхть Кайги валонза: — „Сокак, Микита, Видя кига туть, Коллективса тон Валда эряф муть. Соксеть козяти — Ронгця ширемкшнесь, Шуфтонь сокати — Кятня пуворкшнесть“, Кульсы Микита, Соньцкя моразевсь. Шобдавань зарякс Эряфоц маземсь. |
| 1930 к. |
| << Озем паксяти (Я. Пинясов) << | >> Сак тунда >> |
| «Микита-тракторист», автор: Максим Бебан // сборник Васень аськолкс. Мокшонь писательхнень сёрматфсна. — 1932. | |