«Палы зарясь, цифторць расась», автор: Безбородов М. И. // сборник Васень аськолкс; 1929. Мордовская библиотека
Книга: Васень аськолкс. Мокшонь писательхнень сёрматфсна. — Государственное издательство художественной литературы (ГИХЛ), Моску, 1932. — с. 22

<< Ков молят (П. Левчаев) << >> Тунда >>
М. БЕЗБОРОДОВ.


Палы зарясь, цифторць расась
Велеть песа гайняй локшось.
Лаймоть ланга уля качамкс
Летькя туман нолдась Мокшось *)
Варьхмоц, сргозсь уды велесь.
Кепоць шинясь шуфтонь серс.
Страцть сокайхня паксять келес,
Нармонь кяльса пишкоць вирьсь.
Кода лишмоть мялец ардомс,
Станя колхозть пирьфста лиссь —
Тракторсь — од эряфонь айгорсь,
Нльня пеедезевсь шись.
Эр зяста тусь паксять ланга
Маряви кшнень айгоронь увфсь.
Сиря межать эса яжась,
Коза шаченць мезе-повсь.
Куфци сиря, атянь межась,
Няйсы эряфоц юмай,
— Миша, Миша, тя вдь шейтан, —
Моння бабазя корхтай,
— Бабай, тя аф шяйтан, — лишмя
Аньцек сталень — (шярьхктть тон),
Штоба эряфть оду тиемс
Сянгса саф паксязнок сон.
Сокай тракторсь. Лямбя кизось.
Келькса паксять шовдава.
Мзярда манись педи эзозт,
Кода мази мокшава.
1929 к.

*) Мокшось — Мокша ляйсь
<< Ков молят (П. Левчаев) << >> Тунда >>
«Палы зарясь, цифторць расась», автор: Безбородов М. И. // сборник Васень аськолкс. Мокшонь писательхнень сёрматфсна. — 1932.

Последнее обновление страницы: 2017.07.16
На главную