| Машинать виец // сборник Одонь вайгяль; автор: Макулов Л. Ф.; 1931. | Мордовская библиотека |
Книга: Леонид Макулов. Одонь вайгяль. — Саранск: Мокшэрзянь Государственнай Издательствась, 1933. — с. 31—34 |
|
| << Тялонь кига << | >> Комсомолец ялгазти (Мирошкинтти казьса) >> |
|
Кулемасьте Мокшонь ломатть, Теенть азондан Мон „йофкст”. Азса сяньгя, Кода тядде Машина вийса Ледеськ розть. Лама киза Сире паксесь Куфцезь, лексезь Эресь ащесь. Лама киза Паксеть ланкса Трудяйсь, ашусь Копонц тапсесь. Кда малав Нумась шашнесь, Нумс синь Аноклакшнесть Тарваст. Лисихть паксяв Чакайхть шкайти, Меле, куфцезь, Нума кармайхть. Охай „оцю” Шкай, кормилець! Мзярда мянян Те нужаста? Пинет сивихть Копорезень Ой, аф менян Век нужаста. Стакаль, стакаль Паксянь тевонь, Сире пинкста Тиемась. Стакаль сокамась, инзамась Стакаль тейнек Розь нумась. Тундань ловкс Ся эряфсь солась, Крхка вец сон Ваезь ваесь. Сиреть васц Трудяйхнень мархта, Ленин ару Видьме каесь. Тьоженц раштась, Тите видьмось, И кемокстась Партияське стальке. Трудяйть копста Стакась сяварьсь, Паньжевсь иньгеленза валць. Келемс корхтань Ащи паксясь, Юмась эздонза Прокс межась. Кярьмоць паксять Кели шамас, Нума тьожень Вий машинась. Пиндолць, вандолць Зарянь шовор, Сиякс расась. Мзярда золтань Розьти йотась, Комбайнер Ударник Яшась. Ах, мезень стамсь Тите машинась Азса теенть Педа—пес Кда нума Ялгат кармась, Толнякс Седизя крьвазьсь. Зойнезь цингордозь И зерьнезь, Мерьгат фабрик Шашць розтьэзга, Сяда сурса Розти кярьмоц, Сталень кургоц Фатни розьда. Ару сьорось Сталень куркста, Меле вяри Шуди ковжс. А шужерьхнень Мерьгат ломань, Морнянь морня Йорей бокс. Покайда эсонза Аф лама, Аньцек сембоц Ниле ломатть, < строка не пропечаталась > < строка не пропечаталась > Мзяра урядай Сяда ломанць. Кафта шити Сяда гектарть Нузе телез Ударнайкс. Апак сизек Кенерьф пинемть, Розьда меле Нума кармась. Вовни кодапт Тусть машинат Синць и нуйхть, Синць и теляйхть Эзост пиньготьфть Сталень шинат, Тевонь макссемс Аньцек кенерьхть. Трудяйть кяцта Те машинась, Тарвазть йордафтозя Прокс. Шуфтонь телямать И сокать, Уштомс йорцы Кархчнень йоткс. |
| 1931 ие |
| << Тялонь кига << | >> Комсомолец ялгазти (Мирошкинтти казьса) >> |
| Сборник Одонь вайгяль; автор: Макулов Л. Ф.; 1933. | |