| Тракторист (мора) // сборник Одонь вайгяль; автор: Макулов Л. Ф.; 1929. | Мордовская библиотека |
| Примечание. См. также похожее стихотворение Л. Ф. Макулова: Колхозса (созд. 1930, опубл. в сборнике «Васень аськолкс», 1932). | |
Книга: Леонид Макулов. Одонь вайгяль. — Саранск: Мокшэрзянь Государственнай Издательствась, 1933. — с. 9 |
|
| << Сась пе сокати << | >> Алда трактористка >> |
|
Зарясь мазолгоць Тундань пажарнякс, Тракторисць йотась — Либорць панарняц. Тракторть руленц кирць Мокшонь од цьора, Вов паксясь няевсь Пяк кели морякс. Модать кемоста Тракторсь веляфцы Сире эряфть прокс Фталу серяфцы. Шерьхки, трнаты Масторсь алонза — Тракторисць морай — Гайгихть валонза. Дубортта, трактор, Тундань атямакс. Йотак паксяв Тон кшнинь айгорокс Минь колхозстам — Лемоц „Карл Маркс” „Сембе ашуфне Пуроптама марс” |
| 1929 к. |
| << Сась пе сокати << | >> Алда трактористка >> |
| Сборник Одонь вайгяль; автор: Макулов Л. Ф.; 1933. | |