| Мирэнь мирэсь одыяты // сборник Монь вайгелем; автор: Илька Морыця; 1931, 6 мая. | Мордовская библиотека |
| Книга: Илья Кривошеев. Монь вайгелем: Морот 1924—1934. — Саранск: МордГИЗ, 1935. — с. 26—27 | |
| << Манейде << | >> Макар Евсеич >> |
|
Ков тон истя, Митрей аля, Сыргить сядо ломань маро: Гриша, Олда, Неда, Оля, Мика, Лена, Мина, Вара?.. Весе зяро? Весе зяро? Сядодояк некак ламо?.. Молить весе рядсек рядсек, Курго морос сынст коть ладсек. Гай, сынь молить бригадасо, Промфинпланонть видемасо: Кенерь розенть урядамо, Товонь-сюронть комбайндамо. Молять „Зоря чи” колхозов, Ленинэнь теевть киява; Молить — тыщат га — совхозов Роботамо коммунава. — Евтык монень, Митрей леляй! Косто сыргась истя тевесь? Сядоненк мик тынь мольдядо, Мель-саевтсэ роботамо; Сядоненк мик тынь сатадо Келей паксяв тарвастомо; Тыщаненк мик неявдадо Моря келес граблявтомо?., Пятилеткась истя саи, Конань 4-лес топавтано, Одоньдеесь *) истя баи Социализмань аравтомо. Тон варштака! Весе паксясь Моры моро сталь нарядсо, — Ламо рядсо, ламо рядса, — Моры моро — „Зоря” паксясь. Виде, виде, Митрей леляй! Ванан паксясь сталияты: Виде неян, Митрей ояй, Мирэнь мирэсь одыяты. |
| Маень 6 чи, 1931 ие. |
| *) Одоньдеесь — одонь теесь.↩ |
| << Манейде << | >> Макар Евсеич >> |
| Сборник Монь вайгелем; автор: Илька Морыця; 1935. | |