Кемгавтово ие // сборник Монь вайгелем; автор: Илька Морыця; 1929, октябрь. Мордовская библиотека
Книга: Илья Кривошеев. Монь вайгелем: Морот 1924—1934. — Саранск: МордГИЗ, 1935. — с. 13—16

<< Тундо << >> Майде, майде... >>
КЕМГАВТОВО ИЕ
Кемгавтово ие
Икельганок чие...
Варчтадо-редядо!
Кодамо нарядсо
Теленек-кизэнек
Вити сон меленек —
Кемгавтово ие —
Икельганок чиезь, —
Якстере панарсо...
Верьгава вайгельсэ
Мастор пес гайгевтезь
Коммунанть нарядсо.

* * *
Кемгавтово ие
Икельганок чие!..
Шождине меремась —
Икельганок чие, —
А кода сон топодсь —
Кемгавтово ие?

* * *
Васолов, васолов,
Кадовсь се васолов.
Кода тюрць инязор,
Россиянь покш азор...
Трудицянь пий вересь,
Россиянь те келес
Брудявкшнось—косьтявкшнось,
Пожар толц каявкшнось...
Россиясь келемиль,
Россиясь венемиль,
Робочей, сокиця
Идеме серьгедиль...
Пожарось кепедевсь
Оля-чись вергедевсь...

* * *
Кодамо нарядсо,
Кодамо цецясо,
Кодамо сталмосо,
Кодамо валдосо
XII-во ие
Икельганок чие? —
Васеньце ие,
Омбоце ие,
Колмоце-нилеце...
Котоце... кавксоце
Сасамо чие, —
Тапазенть-яжазенть,
Пожарсонть пултазенть:
Заводсо, фабриксэ,
Вирь потсо, паксясо, —
Кастамо парочинть,
Кадомо арась чинть...
Истянянь чие
Кавксоце ие

* * *
Икельдямо чие
Одс вейксэце ие...
Кеменсе ие
Ды кевийкееце
Кавонест кутмордазь,
Ве кива чаравтозь,
Эрямонть аравтызь,
Верьгава чаравтызь:
Сокамонть—изамонть,
Заводсо стукамонть
Сэрейстэ ладявтызь,
Ве лувсо кортавтызь —
Кепедемс, кепедемс:
Эрямонть кепедемс:
Истя мик кепедемс —
Пильгалов а мадемс!

* * *
Ардови, ардови,
Икелев ардови:
Ютань чись, туень чись
Лецнемакс кадови...

* * *
XII-во ие
Икельганок чие!
Кува жо сон чие
Кодамо сон виев?
„Трат”—„та”—„ра”—„ра”—„тта”—„тра”—„та”—„та”...
Трактор гайги сядо ладсо,
Моронть моры теке садсо:
„Ружиямо”—„ружиямо”...
Паксянть весе кружиямо,
Ардан—вардан горниповсо,
Цецян лакить чольни „чольцо”...
Кузинь яма, кузинь яма,
Целинь-велинь чире чама:
Нартемкс тикше козлець маро
Керинь яла, керинь яла... —
„Тары”—„тары”—„тары”—„тары”—„тары”
Гайги, гайги, пулом гайги,
Моря теке, икелькс айги:
Дай, ки! Дай, ки! Дай, ки! Дай, ки!..
„Чаль-ли”—„Чуль-ли”—„Чаль-ли”—„Чуль-ли”...
Моры моро монь отвалом,
Соканть эйсэ колы, колы...
Вана! Вана! Вана! Вана!?.
Цеця потсо наян ават,
Кирьдить-вирьдить мирьдест маро:
Окольцяшка часья паро...
„X” вана! Вана! Вана! Вана!?..
Чуди леесь валдыямо
Уське вельде кузи велес,
Вий сатосо мастор келес...
Вана! „X” вана! Вана! Вана!?..
Пецька кургось апак качат
Уськенть кувалт пани пачат!
Вана! „X” вана! „X” вана! „X” вана!..
„А”-„а”-„а”-„а”-„а”-„а”-„а”-„а”...
„Трат”-„та”-„ра”-„ра”-„тта”-„тра”-„та”-„та”...
Трактор гайги сядо ладсо,
Моры моронть теке садсо,
XII-во ие
Икельганок чие!
XII-во ие
Икельганок чие —
„Ду”-„ду”-„ду”-„ду”-„ду”-„ду”-„ду”-„ду”...
„Ду-у-у-у”... „Ду-у-у-у”...
„Ду-у”—„Ду-у”...—„Ду-у”...—„Ду-у”...
„Ду-у-у-у-у-у-у-у-у”...
Гайгить фабрикт, „дуить” заводт,
Ламот, ламот, ламот, ламот.
И келейга, и кувалма,
И чи стямо, и чи прамо...
Моданть лангсо турбат гайгить,
Од эрямонть исьтя таргить:
— Курь—вирь потсо ды паксясо,
Седеяк пек од ошосо,
Апак стувтовт ды велесэ
Эрьзя-мокшонть куд-куросо
Кармить-вармить тешть паломо
Валдонть-валдонть пек валомо,
Истя карми, теке варма,
Од эрямось тенек само: —
Ламо, ламо, ламо, ламо...
Кемгавтовонть топавтомо
Икельганок чие
XII-во ие.
Октябрь, 1929 ие.
<< Тундо << >> Майде, майде... >>
Сборник Монь вайгелем; автор: Илька Морыця; 1935.

Последнее обновление страницы: 2016.02.23
На главную