| Чи валдонть кис // сборник Монь вайгелем; автор: Илька Морыця; 1935. | Мордовская библиотека |
| Книга: Илья Кривошеев. Монь вайгелем: Морот 1924—1934. — Саранск: МордГИЗ, 1935. — с. 7—8 | |
| << Монь вайгелем << | >> Ленин >> |
|
Эринек минь масторонть лангсо, Тюринек пек чи валдонть кис; Ламо минек тетянок эйстэ Повась аволь олясо-чись. Арасель промкссо вайгеленек, Праванок кшнасо керязель, — Кияк а содыль прок эйстэнек, Свистьсэ эрямось лепштязель. Кепетсь виев тюремась, Свистесь лангстонок прась, Минек кедьсэ изнямось, — Ине Октябрясь сась. Ине Октябрянть славатано, Сонзэ эйстэ олянок шачсь, — Ленин партиянть вийс кемдяно, Сонзэ кувалт праванок кассь. Одонь эрямонок тейдяно, Врагонок каршо минь тюрезь! Эрьва тевсэнэк изнятяно, Якстере знамянть кепедезь. Кирвайсь менельс масторось, Пожарсонть палыть бойть, — Трудось теевсь азорокс, Шачовсь Магнитостройть. Слават келемть масторонть келес, Вете иень Мордовия! Колхост касозевсть тонть велес, Ули тракторонь армият. Инь слава тенть, Мордовия, — Социализмав минек кись! Касты эйсэнек Сталин, партия, Валдо икеленек од чись. Эрзят мокшот одыясть, Праваст кедьсэст ули; Мокшонь-эрзянь од коест Ленин кива моли. |
| << Монь вайгелем << | >> Ленин >> |
| Сборник Монь вайгелем; автор: Илька Морыця; 1935. | |