| Тюма, автор: Горбунов А. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 174—175 | |
| << Монь эрямом (Т. Раптанов) << | >> Сёксень чи (Бабин) >> |
|
А. ГОРБУНОВ
ТЮМА Арась тюмань алашазо, Арась тюмань скалозо. Лыткав-нулав козейказо, Кепе яки пакшазо. Сонськак Тюма секе тев Веленть онксни педе-пев. Варманть коштонзо никси — Кона пельде сон пуви. Тюма тей, Тюма тов Азды Тюма эцемс ков. Моданть кизна сокамо, Рудаз поцо якамо, (Мень те истя эрямо?). А вечксы сон роботамонть, Вечксы велева лытамонть. Яки Тюма недляшка, Яки Тюма кавтошка. Нолдазь алов нерезэ, Вачомсь Тюмань пекезэ. Тюма тей, Тюма тов, Азды Тюма эцемс ков. Пувси варминесь сэтьместэ, Чудить валонзо таньтейстэ. Марят, Тюма, эй марят? Рамак эстеть аппарат. Тюмаяк ней тевс кундась: Аппарат Тюма рамась. Теке тев закаст кандыть — Теке тев Тюмань терьдить. Тюма тей, Тюма тов, Азды Тюма молемс ков. Пельве шкане кудосо, Клёк заводонь куншкасо Самагон Тюма пани, Аппаратонзо варшни. Ох, авакай, косто прасть? Кода, знярдо появасть? Совасть якстере шапкат, Неть невтить теть аппарат! Тюма тей, Тюма тов, Озась Тюма „покш кудов“. ★
|
| << Монь эрямом (Т. Раптанов) << | >> Сёксень чи (Бабин) >> |
| «Тюма», автор: Горбунов А. // сборник Васень сятк. Эрзянь морот ды ёвтнимат. — 1929. | |