Тикше ледимань моро, автор: Цыганов (И.) Н. // сборник Васень сятк, 1929. Мордовская библиотека
Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 154—155

<< Чинь валгума (Артур Моро) << >> Нудейть >>
И. Н. ЦЫГАНОВ.

ТИКШЕ ЛЕДИМАНЬ МОРО

Эх, дайка, дайка,
Пшти пелюмне,
Авулдатанок
Ды керятанок
Шолконь кондямо
Ацазь тикшине,
Моронь понасо
Пиже лугине.
Экшэ вармине,
Ярька пувака,
Ютко-ёжинем
Экшелгавтыка.
Пек уш чись пиди —
А максы ледемс;
Ливиськавттанзат,
Бутралгавттанзат...
Эх, авулдака,
Монь пелюминем,
Ливчакадодо,
Кеднень, рунгинем.
Цильдергалека,
Пшти пелюминем,
Чинть ланкс варштамсто,
Авулдакшномсто.
Пек ношкалгадат —
Келеть човаса,
Пштилгадат таго —
Гуень келькс арат.
Эх, пелюмине,
Эх, тон ялгинем.
Минь нолдасынек
Мазый лугиненть.
Сы иенть таго
Се порыневанть
Минь васоттяно —
Тезэ сатано.
Тезэ сатано,
Таго леттяно,
Пильге ланксто минь
Тикше правттано.

<< Чинь валгума (Артур Моро) << >> Нудейть >>
«Тикше ледимань моро», автор: Цыганов (И.) Н. // сборник Васень сятк. Эрзянь морот ды ёвтнимат. — 1929.

Последнее обновление страницы: 2018.01.30
На главную