КУКО Виренть крайсэ, Чувтонть прясо, Кокшкинесэ, Кукось лайши: „Ку-ку, ку-ку!“ Арась куконть Ялгинезэ Ков а моли — Ськаминензэ, — „Ку-ку, ку-ку!“ Месть сеери Куко-патям? Кинень алтни Тошна валтнэнь? „Ку-ку, ку-ку!“ Кукось мери: Эсь принензэ, Сон лайшивтни — Эрямо-чинзэ. „Ку-ку, ку-ку!“ Ламо иеть Куко морси. Эсь седеенть Истя лаци. „Ку-ку, ку-ку!“ Куко-патяй! Сака малав, Зняро иеть Ёвтык эрян? Либы-р-р... Куком ливтясь. Чико-р-р... Чувтось урьгаць. Куко-патям Монь маримем, Эссе лово Сон пингинем.