Луга ледима, автор: Лукьянов А. М. // сборник Васень сятк, 1929. Мордовская библиотека
Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 100—101

<< Товзюрот нуить << >> Телесь тусь >>
ЛУГА ЛЕДИМА

Равонь томбале
Мазый таркасо,
Мазый таркасо —
Ули колхоз.
Ков иля варшта
Колхозонть перька
Лыйни парциекс
Пиже лугине.
Валськень зорянь пачк
Лугиненть эзга
Яки уткине
Левксэнзэ марто.
Сон остаткадо
Лугаванть яки,
Зорянь човор сон
Мартонзо прощи.
Мейле лугиненть
Лецызь од цёрат,
Тикшенть пурнасызь
Мазый од тейтерьть.
Вай, валське рана
Цёрат ряц арсить,
Сэрей лугасонть
Пелимаст човсить.
Яхоить-теить —
Луганть мацтясызь,
Вай, чинзэ валгозь
Моронть ранкстасызь.
Од тейтерьнетне
Грабляст кец сайсызь,
Коське тикшиненть
Мейле пурнасызь.
<< Товзюрот нуить << >> Телесь тусь >>
«Луга ледима», автор: Лукьянов А. М. // сборник Васень сятк. Эрзянь морот ды ёвтнимат. — 1929.

Последнее обновление страницы: 2018.01.05
На главную