Дайка, ялгай, ве вайгельсэ морасынек Кода пакшакс седикеле минь эринек. Кодат ульнесть сестэ шкатне — а ёвтнивить, Ансяк бути моро лацо ней ёвтнивить. Туво лацо болотасо минь эрьсинек, Эрьва чине проулкасо турьнекшнынек. Секе ульнесь од пораксонь кеняркс-чинек. Грацень пизэс тундонь чине кузнекшнинек. Минь сеецтэ куяр-пирев совсекшнынек. Эрьва мезе сад-пирестэ салсекшнынек. Пек аламольть минек туртов учильнятне, Тонавцть бояронь ды попонь од пакшатнень. А минек ансяк тонавцть сторушкасо Чекамо ды паз вечкеме молитвасо. Обиднясо празник чине пек ознынек, — Истя, ялгат, седикеле минь эринек. Аволь кода тыненк ней учильнясо Эрьва чине максыть превть кинигасто. Обиднява, ярдань ланга тынк а вецить, Спектаколень налксимкат тыненк невтнить. А саламо а туреме арась шка тенк, Учильнясо налксимкасо меленк вицынк. Паро превсэ тынь касодо бойкинестэ, Вейсэнь тевентень лездадо парынестэ. ★