| Марянь заботазо, автор: Ильин Ф. К. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 91—92 | |
| << Иляк покурда тиринь тетинеть << | >> Удок, дугинем >> |
|
Иля ризна, монь седейнем, Моцька песь уш маласо. Сестэ оймавца рунгинем, Кода стопканть пештяса Течи зоря тештенть лисемс Апак оймсе пев паньса, Валське рана сави эвтемс, Таго проми кесакшка... „Колмо кесакт недлязонзо, Те аволь уш пек ламо“. Маря кадовсь ялгадонзо Капши стопканть пештямо... Маря капши, кесакт штерди, Тунда карми кодамо, Маря учи паро мирде, — Бажи коцт анокстамо. Вики-вики чалгаминень, Ваднимаст тень а ютко. Видимтявлия рунгинем — Кудат ваныть вальмалдо... * * * Истя тейтерьтне велесэ Эщо бажить а куватьс. Курок кармить базарнойсэ Якамо сокицят ряц... Ламолгадыть фабрикатне, Тавароськак прибави, Сестэ Маря олялгады, Ловномс шка тензэ ули. |
| << Иляк покурда тиринь тетинеть << | >> Удок, дугинем >> |
| «Марянь заботазо», автор: Ильин Ф. К. // сборник Васень сятк. Эрзянь морот ды ёвтнимат. — 1929. | |