| Пек стакадонть ды шождынеденть, автор: Ильин Ф. К. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 86—88 | |
| << Мика << | >> Коллектив >> |
|
Кодамо моро Минь моратано? Кодамо ёвтамо Минь ёвтатано? Ташто эрямонть Минь морасынек, Стака пингиненть Минь лецтясынек. Ульнесть соканок Чувтонь сошникань, Изамоноккак Чувтонь тулынень. Ламо паксява Яла сокинек, Аволь эстенек Сюро виднинек. Стака кабала Куватьс кандынек, Верьсэ-сельвецэ Боярт андынек. Эзинек сода Меньгак валдо-чи, Чекинек — кода Эрявсь пиземне. Эзинек сода Меньгак оля-чи Нарьгильть ланксонок Кежей пристовтнэ. Истя эринек, Истя пиштинек, Истя пингенек Миню ютавтынек... Ютасть сесть шкатне — Стака иетне. Лиякс эрямо Кармасть ломатне. Ней эрятано Покш оля-чисэ, Заботятано Минсинек кисэ. Ламо паксява А якатано, Ве таркинева Ней сокатано... Кшнинь айгорнэсэ Роботатано, Вейсэнь паро-чи Минь пурнатано. Вейсэнь утомонть Пряс пештятано, Масторонть ланксто Нужанть кравттано... Фабрикат, завот От строятано. Индустриянок Кемелгавттано. Эсь масторонок Виевгавцынек. Обидямс прянок Минь а макссынек. |
| << Мика << | >> Коллектив >> |
| «Пек стакадонть ды шождынеденть», автор: Ильин Ф. К. // сборник Васень сятк. Эрзянь морот ды ёвтнимат. — 1929. | |