| Завоцо роботыця, автор: Григошин Я. П. // сборник Васень сятк, 1929. | Мордовская библиотека |
| Книга: Васень сятк. Эрзянь морот ды ёвтнимат. Пурнынзе А. Дуняшин. — СССР-энь Наротнэнь Центрань Издательствась, Москов, 1929. — с. 68—69 | |
| << Ташто койсэ эри Гара << | >> Ошось велентень, велесь ошонтень >> |
|
ЗАВОЦО РОБОТЫЦЯ
Раужо, раужо чамазо, Пуль поцо, чов поцо рунгозо; Кичкоргацть, пуворьгацть кедензэ, Олакацть тол каршо сельмензэ. Пикстердезь, якстердезь кшнись палы, Ливезесь чаманзо лейкс валы; Молотканть стакасто кепецы, Мендевезь, ландявозь вачкуцы. Истя сон эрьва чи лексекшны, Кавксо част молотканть кепсекшны, Путнесы робочей виензэ, Сравтнесы велева тевензэ. Истя ней завоцо трудицясь, Истя ней велева сокицясь Ве вийсэ, ве превсэ роботыть, Од шкане паро-чи кепедить. |