С. САЛДИН.

Мон шачинь эрзя велес — Кшуманцяс (Вольской округ). Тетян-аван середняк-крестьят. Кода топоцть 14 иень (1922-це иестэ) саинь сумка, дурак куяронь пряка кочом, 70 миллион целковой ярмак (раминь лангозост хунт калбас) ды туинь Чардымень вель.-хоз. коммунав. Мейсь? Тонавтнеме, эрямо.

Аволь весёлаль эрямось. Вачо иесь ансяк ютась — кше аламо. Шабра велень сокицятне коммунанть эзизь вечк. Мейле аламодо тевесь тусь. Од коммунартнэнь эйсэ кармасть тонавтомо велень хозяйствань тевс. Монгак тонавтнинь те тевентень.

1923-це иестэ туинь Саратовонь профтех. школав. Кавто иеть тонавтнинь агрономонь отделениясо. Мейле (ве теле) тонавтнинь землемеркс. 1928-це иестэ прядыя Московонь губпартшколанть. Ней роботан „Якстере Тештень“ редакциянть секретарькс.

Васень ёвтнимам „Липни тол“ ульнесь печатазь гезетсэ 1926-це иестэ. Сёрмадан чуросто.

★