| Васень май // сборник Пурьгинень зэрть; автор: Артур Моро; 1930, 21 апреля. | Мордовская библиотека |
| Книга: Артур Моро. Пурьгинень зэрть. — Центриздат, Москов, 1931. — с. 39—41 | |
| << Эзить арьсе, нать, седе << | >> Од коев >> |
|
Советской мастор, Корьминець авай! Весе мастортнэ Мартэнань пецькакс лакить. Сень кисэ, нать, Мекс течи ВАСЕНЬ МАЙ!? Кшнинь колонасо, Мекс, нать, трудицят якить?! Пургине лацо Зэрьни изнямонь маршось! Пельтне эйсэ Кшнинь нармутне панцить! Пенге костёркс Сявори каршос, Везувий лавакс Пролетарийть айгить! Кецэст флакось Кирвастизе венельксэнть, Сынст од морост Моданть ланкс чинть валкстызь. Ялгат! Ялгат! Кшнинь нармутне менельксэнть Пургинень зэрьтьсэ, ёндолсо — Вельтизь! Историядонть А карман кортнеме, — Содасынк тынсь, Кодамо течинь чись! Гирляндан цветт Пингесь кармась ёртнеме; Персьянь ковёркс Велявсь минек од кись! Варштак тейтерьс, — Эрьва тейтересь—чи! Эрьва цёрась — Вирьпуло прясо ков! Цеця поц Од шкась минек керчи! Палы Москов! Пролетариянь седей — Москов! Верьсэ валозь Знамясь верьга лыйне, Те вересь — МАЙ! Те вересь — ОКТЯБРЯСЬ! Модась течи: Зэрьни, цийне! — Трудиця народ Эрьва масторсто стясь! Валовить вейс Весе Московонть перька, Московонтень Сынст кист стака, — Кумажава Эськельдинь эсь верень эрька. Сынст велькссэ А ливтни варака! Интернационалось Пурьгинентькак ютызе! Весе модаванть — ОКТЯБРЯ! Ды МАЙ! Секс, нать, чинть Пролетарий валкстызе Якстере площадьс! Корьминець авай! |
| 21 апрель. 1930 ие. |
| << Эзить арьсе, нать, седе << | >> Од коев >> |
| Сборник Пурьгинень зэрть; автор: Артур Моро; 1931. | |